"Sabah" Erqelemidzeni əvəzedici komandaya göndərdi
“Sabah” hücumçusu Mixail Erqelemidzeni əvəzedici komandaya göndərib. Msport.az xəbər verir ki, gürcü forvard bu gün I divizionda “Sabah-2” – “Zirə-2” oyununda (2:0) meydana çıxıb. Start heyətində olan futbolçu fasilədə Kamran Quliyevlə əvəzlənib.
Erqelemidze əvəzedici komandada da müsbət mənada heç nə ilə yadda qalmayıb. Hücumçu 40-cı dəqiqədə sarı vərəqə ilə cəzalanıb.
Qeyd edək ki, “Sabah”ın legioner forvardı son vaxtlar çox tənqid olunur. Onun komandanın səviyyəsinə uyğun olmadığı, ciddi məqsədlərə cavab verə biləcək hücumçu olmadığı vurğulanır.
