“Sabah”ın rəqibi darmadağınla qalib gəldi, Diamondo poker etdi
Latviya çempionatında 23-cü turun oyunları keçirilir.
Msport.az xəbər verir ki, “Sabah”ın Avropa Konfrans Liqasının 2-ci təsnifat mərhələsindəki rəqibi RFS səfərdə “Auda”nın qonağı olub.
Riqa təmsilçisi oyundan 5:2 hesabıyla qalib ayrılıb. RFS-in heyətində İsmail Diamondo poker edib. Komandanın digər qolunun müəllifi Yanis İkaunieks olub.
Bu qələbə ilə xallarını 55-ə çatdıran komanda liderliyə yüksəlib.
Xatırladaq ki, “Sabah”la RFS arasında ilk oyun iyulun 26-da Riqada, cavab görüşü isə avqustun 3-də Masazırda keçiriləcək.
