"Sabah" Rumıniya klubu ilə bərabərə qaldı
Avstriyanın Tirol bölgəsində təlim-məşq toplanışında olan “Sabah” ilk yoxlama oyununa çıxıb.
Msport.az xəbər verir ki, Murad Musayevin komandası Rumıniya təmsilçisi ““Universitatya Krayova” ilə qarşılaşıb.
Görüş 1:1 hesabı ilə başa çatıb.
Rumıniya klubunun heyətində 4-cü dəqiqədə Luka Besçanu fərqlənib. Təəssüf ki, “Sabah”ın rəsmi səhifəsi komandanın qolunun müəllifini qeyd etməyib.
Qeyd edək ki, “Sabah” iyunun 28-də Macarıstanın “Ferentsvaroş”, iyulun 2-də isə Ukraynanın “Polissya” komandaları ilə qarşılaşacaq.
