“Sumqayıt”dan ayrılan futbolçu Küveytdə
“Sumqayıt”ın sabiq futbolçusu Kazimir Ninqanın yeni klubu müəyyənləşib.
Msport.az xəbər verir ki, yayda “gənclik şəhəri” təmsilçisi ilə vidalaşan ÇAD millisinin hücumçusu karyerasını Küveytdə davam etdirəcək.
Ninqa bu ölkənin “Əl-Tadamon” klubu ilə müqavilə bağlayıb. Razılaşmaya əsasən, 31 yaşlı forvard qarşıdakı 1 il ərzində Küveyt təmsilçisinin uğurları üçün çalışacaq.
Qeyd edək ki, Ninqa “Sumqayıt”a ötən mövsümün əvvəlində “Anortosis”dən keçmişdi.
