Tanınmış hücumçu millimizlə oyun ərəfəsində zədələndi
Avstriya millisinin futbolçusu Marko Arnautoviç Azərbaycana qarşı keçirəcəkləri AVRO-2024-ün seçmə mərhələ oyunu öncəsi zədələnib.
Msport.az xəbər verir ki, 34 yaşlı hücumçu çıxış etdiyi İtaliya “Bolonya”sının məşqində bud əzələsindən xəsarət alıb.
Tibbi müayinədən keçən təcrübəli forvardın təqribən 2 həftə yaşıl meydanlardan kənar qalacağı bildirilib. Onun millimizlə matça kimi sıraya dönəcəyi gözlənilir.
Qeyd edək ki, Azərbaycan millisi F qrupunda ilk oyununu martın 24-də səfərdə Avstriyaya qarşı keçirəcək.
