Tibo Kurtua AVRO-2024-ü buraxacaq
Belçika millisinin futbolçusu Tibo Kurtua Avropa çempionatının final mərhələsini buraxacaq.
Msport.az “Marca”ya istinadən xəbər verir ki, qapıçı özü bu barədə millinin məşqçilər korpusunu məlumatlandırıb.
31 yaşlı qolkiper çarpaz bağın yırtılması səbəbindən mövsümün əvvəlindən yaşıl meydanlardan uzaq qalıb. Onun ən yaxşı halda 2024-cü ilin yazında məşqlərə başlayacağı gözlənilir. Kurtua AVRO-2024 ərəfəsində futbola dönə biləcək. Lakin həmin vaxt optimal formadan uzaq olacağı üçün Madriddə qalaraq məşqlərini davam etdirəcək.
Qeyd edək ki, Belçika millisi 2024-cü ilin iyun-iyul aylarında baş tutacaq AVRO-2024-də Slovakiya və Rumıniya ilə eyni qrupda yer alacaq. Qrupun dördüncü iştirakçısı pley-off mərhələsinin nəticələrinə əsasən müəyyənləşəcək.
