“Turan Tovuz”dan Şahverdiyevin durumu ilə bağlı açıqlama
“Turan Tovuz”un futbolçusu Ehtiram Şahverdiyev ötən gün Premyer Liqanın 9-cu turu çərçivəsində baş tutan “Neftçi” ilə səfər oyununda zədə almışdı.
Msport.az xəbər verir ki, 26 yaşlı yarımmüdafiəçi qarşılaşmanın 58-ci dəqiqəsində ikili mübarizə zamanı ciddi xəsarət aldığı üçün meydanı xərəkdə tərk etmişdi.
Tovuz klubu yarımmüdafiəçinin durumu barədə açıqlama yayıb. Xəbərdə bildirilir ki, Şahverdiyev xəstəxanada müayinə olunduqdan sonra evə buraxılıb. Futbolçu 2 günlük istirahətin ardından komanda ilə məşqlərə qoşulacaq.
