Türkiyəli futbolçu İngiltərə klubunda
Türkiyə milli komandasının və “Renn”in hücumçusu Bertuğ Yıldırım karyerasını İngiltərədə davam edəcək.
Msport.az xəbər verir ki, gənc hücumçu “Norviç”ə keçib. O, bu mövsümü Çempionşip klubunda oynayacaq.
Bertuğ ötən sezon 5 milyon avro qarşılığında “Hatayspor”dan “Renn”ə keçmişdi.
“Norviç” 22 yaşlı futbolçu üçün “Renn”ə 6 milyon avro ödəyəcək.
Qeyd edək ki, türkiyəli hücumçu Fransa klubunda ümumilikdə 28 oyun keçirib və 1 qol vurub.
