UEFA Avro-2024-ə görə iştirakçı ölkələrə pul ayırıb
UEFA 2024-cü ildə keçiriləcək Avropa çempionatında iştirak edəcək assosiasiyalara 331 milyon avro ayıracaq. Msport.az xəbər verir ki, bu barədə qurumun xəzinədarı Devid Xill UEFA-nın Konqresində 2023/24 mövsümü üçün büdcənin təqdimatı zamanı bildirib.
Onun sözlərinə görə, AÇ-2024-dən 2 milyard 409 milyon avro gəlir proqnozlaşdırılır. Bu, son qitə çempionatı ilə müqayisədə 28 faiz çoxdur. 331 milyon avro iştirakçı assosiasiyalar arasında bölüşdürüləcək. UEFA-nın gəliri 2023/24 mövsümü üzrə 6 milyard 687 milyon avro proqnozlaşdırılır.
AÇ-2024 iyunun 14-dən iyulun 14-dək Almaniyada keçiriləcək.
