Uoker İtaliya klubunun hədəfində
“Mançester Siti”nin futbolçusu Kayl Uoker karyerasına İtaliya A Seriyasında davam etdirə bilər.
Msport.az xəbər verir ki, 32 yaşlı müdafiəçiylə “Milan” klubu yaxından maraqlanır. Uoker cari mövsüm MS-də əsas heyətdəki yerini itirdiyinə görə klubunu dəyişməyə müsbət yanaşır. Milan təmsilçisi 2024-cü ilin yayında müqaviləsi bitəcək futbolçunu bu yay heyətinə qatmağa çalışacaq.
Qeyd edək ki, Uoker cari mövsüm ərzində 27 oyunda iştirak edib. Onun bazar qiyməti 25 milyon avro dəyərindədir.
Royal Türksoy