Valverdeni təhqir etdiyi deyilən Baena: "Barəmdə yazılanlar yalandır"
“Vilyarreal”ın futbolçusu Aleks Baena “Real”ın yarımmüdafiəçisi Federiko Valverdeni təhqir etmədiyini deyib. Msport.az xəbər verir ki, 21 yaşlı oyunçu bununla bağlı tviterdə paylaşım edib:
“Santyaqo Bernabeu” kimi stadionda komandamızın parlaq qələbəsindən çox sevincliyəm. Amma eyni zamanda oyundan sonra məruz qaldığım aqressiyaya görə, məyusam və haqqımda danışılanlara təəccüb edirəm. Mənim barədə deyilənlər tamamilə yalandır”.
“Real” – “Vilyarreal” matçından sonra Valverde dayanacaqda Baenanın üzünə zərbə endirib. Deyilənə görə, Baena oyun ərzində Valverdeni ailəsi ilə bağlı təhqir edib. Aleksin polisə müraciət edə biləcəyi deyilir.
ANAR ABDULLAYEV
