Van Nistelroy İngiltərə klubunun baş məşqçisi ola bilər
İngiltərə təmsilçisi “Mançester Yunayted”dən ayrılan Rud van Nistelroy karyerasını başqa klubda davam etdirə bilər.
Msport.az yerli mətbuata istinadən xəbər verir ki, “Bernli” mütəxəssislə maraqlanır.
Klub rəhbərliyi niderlandlının PSV və “Mançester Yunayted”dəki işini bəyənib. Hazırkı baş məşqçi Skott Parker istefaya göndərilsə, bu vəzifəyə əsas namizəd van Nistelroy olacaq.
Qeyd edək ki, Ruben Amorimin işə başlamasına qədər “qırmızı şeytanlar”ı 4 oyuna çıxaran niderlandlının rəhbərliyi dövründə 3 qələbə və 1 heç-heçə qeydə alınıb.
