Xavi istefaya göndərilir?
İspaniyanın “Barselona” klubu baş məşqçisi Xavi Ernandes ilə yollarını ayıra bilər.
Msport.az AS nəşrinə istinadən xəbər verir ki, Kataloniya təmsilçisi bu gün Çempionlar Liqasının qrup mərhələsinin V turunda Portuqaliyanın “Portu” komandasını məğlub edə bilməsə, 43 yaşlı mütəxəssisin istefaya göndərilməsi gündəmə gələcək.
İddia olunur ki, hətta heç-heçə də ispaniyalı baş məşqçini xilas etməyəcək.
Qeyd edək ki, bu gün reallaşacaq “Barselona” – “Portu” görüşü Bakı vaxtı ilə saat 00:00-da start götürəcək. Komandalar qrupda 9 xalla ilk iki pilləni bölüşürlər.
