Xavi mümkün istefasından danışıb - "Titul qazanmasaq, başqa məşqçi gələcək"
“Barselona”nın baş məşqçisi Xavi mümkün istefasından danışıb.
Msport.az “Goal”a istinadən xəbər verir ki, 42 yaşlı mütəxəssis “Vilyarreal”la oyundan əvvəl mətbuat konfransında bu məsələyə toxunub:
“Rəhbərlik məni istefaya göndərsə, bunu anlayışla qarşılayacammı? Əlbəttə, bu futboldur. Lakin insanlar küçədə mənə dəstək olaraq yumruqlarını yuxarı qaldırırlar. İşi davam etdirmək lazımdır. Eyni zamanda həqiqətin gözünə dik baxmaq gərəkir. Mən gələcəyə nikbin baxıram. Biz titullar uğrunda mübarizə aparmalıyıq.
Əgər biz titul qazanmasaq, bunun məndən başlayan nəticələri olacaq. Əgər qalib gəlməsək, başqa məşqçi gələcək. Ancaq əlimdən gələni etmək istəyirəm ki, bizdə hər şey alınsın”.
“Barselona” hazırda lider “Real”dan 3 xal geri qalaraq 2-ci yeri tutur. Çempionlar Liqasında isə “Barsa” pley-offdan kənarda qala bilər.
