“Yuventus”un istədiyi yarımmüdafiəçi
İtaliyanın “Yuventus” klubu heyətini yeni yarımmüdafiəçi ilə gücləndirmək niyyətindədir.
Msport.az “tribalfootball.com” saytına istinadən xəbər verir ki, Turin təmsilçisi hazırda “Mançester Yunayted”də çıxış edən Sofyan Amrabatla maraqlanır.
İcarə əsasında “qırmızı şeytanlar”ın formasını geyinən Mərakeş millisinin üzvü “Fiorentina”ya məxsusdur.
Onun Florensiya klubu ilə müqaviləsi 2025-ci yayınadək nəzərdə tutulub.
