“Yuventus” yarımmüdafiəçi ilə anlaşdı
Atalanta”nın 26 yaşlı yarımmüdafiəçisi Toen Kopmeyners karyerasını İtaliyanın “Yuventus” klubunda davam etdirəcək.
Msport.az xəbər verir ki, bu barədə məlumatı “Tuttosport” nəşri yayıb.
Bildirilir ki, hollandiyalı futbolçu Turin klubu ilə 5 illik müqaviləyə razılaşıb. Futbolçunun maaşı hər mövsüm üçün 4,5 milyon avro olacaq.
Qeyd edək ki, 26 yaşlı Kopmeyners “Atalanta”da 2021-ci ilin avqustundan çıxış edir. Bu mövsüm yarımmüdafiəçi bütün turnirlərdə 50 oyun keçirib, 15 qol vurub və 7 məhsuldar ötürmə edib.
Xatırladaq ki, futbolçunun hazırkı klubu ilə müqaviləsi 2027-ci ilin iyun ayının sonuna qədər qüvvədədir. “Transfermarkt” internet portalına görə futbolçunun təxmini dəyəri 40 milyon avrodur.
