“Yuventus” yeni baş məşqçisini İtaliyada tapdı
“Yuventus” Tyaqo Mottanı baş məşqçi postuna dəvət edib. Msport.az xəbər verir ki, bu barədə insayder Fabritsio Romano məlumat yayıb.
Turin klubu hazırda “Bolonya”nı çalışdıran mütəxəssisə 3 illik müqavilə təklif edib.
İtaliyalı məşqçi yaxın günlərdə “Bolonya” rəhbərliyinə istifasını təqdim edəcək.
36 oyundan sonra 67 xal toplayan “Bolonya” 3-cü yeri tutur və Çempionlar Liqasına vəsiqəni rəsmiləşdirib.
41 yaşlı Motta “Bolonya”dan əvvəl “Cenoa” və “Spetsiya” klublarını çalışdırıb.
