“Zirə” ilə oyunda müsbət nəticə qazanacağımıza inanıram”
“Oyunda müsbət nəticə qazanacağımıza inanıram”.
Msport.az xəbər verir ki, bunu “Omoniya”nın baş məşqçisi Valdas Dambrauskas Kiprdə “Zirə”yə qarşı keçirəcəkləri UEFA Konfrans Liqasının pley-off mərhələsinin ilk oyunundan əvvəl mətbuat konfransında deyib.
Mütəxəssis Azərbaycan təmsilçisinin keyfiyyətli komanda olduğunu bildirib:
“Matç boyu diqqətli olmalıyıq. Azarkeşlərimiz kimi, biz də bu qarşılaşmanı səbirsizliklə gözləyirik. Ümid edirik ki, onları sevindirəcəyik. “Zirə”nin müxtəlif güclü tərəfləri var. Müdafiədə kifayət qədər yaxşı təsir bağışlayırlar”.
Qeyd edək ki, avqustun 22-də GPS stadionunda keçiriləcək qarşılaşma Bakı vaxtı ilə saat 21:00-da başlayacaq. Cavab görüşü bundan bir həftə sonra gerçəkləşəcək.
