"10 il əvvəlki Belçika ilə indiki arasında böyük fərq var" - Vaqif Cavadov
“Çox yaxşı rəqibə qarşı çətin oyun olacaq”.
Bu sözləri Msport.az saytına açıqlamasında “Sumqayıt”ın əvəzedici komandasının baş məşqçisi Vaqif Cavadov deyib.
Millimizin Bakıda Belçika yığmasına qarşı keçirəcəyi AVRO-2024-ün seçmə mərhələ oyunu barədə fikirlərini bölüşən mütəxəssis rəqibin bizə tanış komanda olduğunu bildirib: “Amma 10 il əvvəlki komanda ilə indiki arasında böyük fərq var. Ovaxtkı Belçika daha güclü idi. Həm ad-san, həm də oyunçuların fərdi keyfiyyətləri baxımından”.
Cavadovun sözlərinə görə, hazırda rəqibin heyətində çox ulduz olmasa da, komanda şəklində yaxşı oynayır: “Gərgin oyun olacaq. Millimizin son matçlardakı məğlubiyyətdən sonra necə toparlandığını görmək maraqlıdır. Futbolçuların üzərində çox böyük yük var. Komandamıza uğurlar arzulayıram. Ümid edirəm ki, yaxşı nəticə ilə xalqımızı sevindirərlər”.
