100-cü qol
“Sabah” Azərbaycan çempionatlarında səfərdə 100-cü qolu buraxıb.
Msport.az xəbər verir ki, bu, Misli Premyer Liqasının XXIX turunun “Turan Tovuz”la görüşünə təsadüf edib.
Bakı klubu 0:2 hesabı ilə uduzduğu görüşə qədər rəqib meydanlarında 99 top buraxmışdı. Hesabı açan Aleks Souza paytaxt təmsilçisinin qapısından 100-cü topu keçirib.
“Sabah” 85-ci səfər matçında bu qolu buraxıb. 2018/19 mövsümündən Premyer Liqada çıxış edən komanda ilk dəfə 2018-ci il avqustun 19-da “Sumqayıt”la ev görüşündə qapısında qol görüb – 1:4.
