Anton Krivotsyuk milliyə dəvət aldı
Polşanın “Visla” (Plotsk) klubunun müdafiəçisi Anton Krivotsyuk Azərbaycan millisinə dəvət alıb.
Msport.az xəbər verir ki, bu barədə sözügedən klubun mətbuat xidməti məlumat yayıb.
Futbolçunun sentyabrın 18-dən 25-nə qədər Azərbaycan yığmasının düşərgəsində olacağı diqqətə çatdırılıb. Krivotsyukun UEFA Millətlər Liqasının qrup mərhələsi çərçivəsində Slovakiya və Qazaxıstanla oyunlarda iştirak hüququ qazandığı bildirilib.
Xatırladaq ki, yığmamız sentyabrın 22-də Trnavada Slovakiyanın qonağı olacaq, ayın 25-də isə Bakıda Qazaxıstanı sınağa çəkəcək.
