“Araz-Naxçıvan”da iki itki
“Araz-Naxçıvan” komandası bu gün məşqləri bərpa edib.
Msport.az xəbər verir ki, Bakı Olimpiya Stadionunda təxminən 90 dəqiqə davam edən hazırlıq prosesində yüngül zədəsi olan Aksel Nqando və Orxan Əliyev iştirak etməyib. Onların “Turan Tovuz”la matça hazır olub-olmayacaqları qarşıdakı günlərdə məlum olacaq.
Qeyd edək ki, “Turan Tovuz” – “Araz-Naxçıvan” oyunu martın 10-da Tovuz şəhər stadionunda keçiriləcək. CBC Sport-la canlı yayımlanacaq görüş saat 15:30-da start götürəcək.
