Arda Gülər üzr istədi
“Real”ın yarımmüdafiəçisi Arda Gülər UEFA Çempionlar Liqasında mübarizəni başa vurmalarına reaksiya verib.
Msport.az xəbər verir ki, türkiyəli futbolçu sosial şəbəkə hesabındakı paylaşımında yazıb:
“Bu, belə olmamalı idi. Çox üzr istəyirik. Geri qayıdacağıq. Madrid, davam et”.
Qeyd edək ki, “Real” ÇL-in 1/4 finalının cavab matçında “Bavariya”ya 3:4 hesabı ilə uduzaraq turnirlə vidalaşıb. Arda Gülər oyunda 2 qol vurub. Matç bitdikdən sonra isə o, hakimlə mübahisə etdiyinə görə qırmızı vərəqə alıb.
