Azərbaycan Kuboku: Bu gün ilk finalçı bilinəcək
Azərbaycan Kubokunda bu gün ilk finalçı müəyyənləşəcək.
Msport.az xəbər verir ki, yarımfinalın cavab oyununda “Turan Tovuz” “Zirə”nin qonağı olacaq.
Qarşılaşma Zirə İdman Kompleksinin stadionunda, saat 19:00-da start götürəcək. Görüşün baş hakimi Əli Əliyev olacaq. İlk görüşdə “Zirə” iki cavabsız qolla qalib gəlib.
Qeyd edək ki, yarımfinal mərhələsinin digər cavab matçı aprelin 22-də keçiriləcək. “Sabah” “Qarabağ”ı (ilk oyun – 2:2) qəbul edəcək.
