“Bayer”in hücumçusu “Qarabağ”la matçları buraxacaq
Almaniyanın “Bayer” klubunun futbolçusu Viktor Bonifeys Avropa Liqasının 1/8 final mərhələsində “Qarabağ”a qarşı oyunlarda iştirak edə bilməyəcək.
Msport.az “Bild” nəşrinə istinadən xəbər verir ki, 23 yaşlı hücumçu ötən ay zədələnib və hələ də komandaya qoşulmayıb.
Viktorun aprel ayınadək yaşıl meydanlara qayıtmayacağı bildirilib.
Qeyd edək ki, “Qarabağ”la “Bayer” arasında ilk oyun martın 7-də Bakıda, cavab görüşü isə 14-də Leverkuzendə keçiriləcək.
