"Biz zibil yığmırıq" - "Atletiko" azarkeşləri Ronaldoya qarşı birləşdilər
“Atletiko” azarkeşləri Kriştiano Ronaldonun transferinə qarşı çıxırlar.
Msport.az “Mirror”a istinadən xəbər verir ki, Madrid klubunun tərəfdarları sosial şəbəkələrdə #ContraCR7 (CR7-yə qarşı) həştəqi altında birləşiblər.
Paytaxt təmsilçisinin fanatlarından biri həmin həştəqin altında belə yazıb: “Əgər mənim “Atletiko”un başına belə iş gəlsə, iki cavab verəcəm. Biz zibil yığmırıq.
Digər azarkeş isə fikirini belə ifadə edib: “Bu, təkcə “Atletiko” fanatlarına aid deyil. İstənilən klubun azarkeşləri Ronaldodan üz çevirməlidir”.
KİV-də portuqaliyalı futbolçunun “Atletiko”ya keçməyə razılıq verməsi barədə xəbər yayılıb. 37 yaşlı hücumçu gələn mövsüm Çempionlar Liqasında oynamaq istəyir. Ronaldo “Mançester Yunayted”lə birgə mövsüm öncəsi turneyə getməyib.
