Çempionlar Liqası: “Qarabağ” ilk oyununa çıxır
Azərbaycanın UEFA Çempionlar Liqasındakı təmsilçisi “Qarabağ” bu gün Liqa mərhələsində ilk oyununa çıxacaq.
Msport.az xəbər verir ki, komanda Portuqaliyanın “Benfika” kollektivinin qonağı olacaq.
Lissabondakı “Da Luş” stadionunda keçiriləcək görüş Bakı vaxtı ilə saat 23:00-da başlanacaq. Belçikadan olan hakimlər briqadasının idarə edəcəyi qarşılaşma “İctimai TV” vasitəsilə canlı yayımlanacaq.
Çempionlar Liqası
Liqa mərhələsi, I tur
16 sentyabr
23:00. “Benfika” (Portuqaliya) – “Qarabağ” (Azərbaycan)
Hakimlər: Erik Lambrexts, Jo de Veirdt, Kevin Monteni, Nathan Verbumen
VAR: Bram Van Drieşşe (hamısı Belçika)
AVAR: Fedayi San (İsveçrə)
Lissabon, “Da Luş” stadionu
