Coşqun Diniyev milliyə çağırıldı
Türkiyənin “Ümraniyespor” klubunda çıxış edən Coşqun Diniyev Azərbaycan milli komandasına dəvət alıb.
Msport.az I Liqa təmsilçisinin rəsmi saytına istinadən xəbər verir ki, 28 yaşlı yarımmüdafiəçi Belçika ilə AVRO-2024-ün seçmə mərhələ və İordaniya ilə yoldaşlıq oyunlarına çağırılıb.
Baş məşqçi Canni De Byazinin yığmanın heyətini Azərbaycan Premyer Liqasının V turunun oyunlarından sonra açıqlayacağı gözlənilir.
Millimiz sentyabrın 9-da Belçikanı, bundan 3 gün sonra isə İordaniyanı qəbul edəcək. Hər iki qarşılaşma Mərdəkandakı “Dalğa Arena”da keçiriləcək.
Qeyd edək ki, Coşqun Diniyev “Ümraniyespor”a bu ilin yayında “Səbail” komandasından keçib.
