"Qalib gəlmək üçün kifaət qədər qol vəziyyəti yaratmadı" - Xabi Alonso
“Çelsi”nin baş məşqçisi Xabi Alonso İngiltərə Premyer Liqasının 10-cu turunun “Sanderlend”lə oyununu (0:1) dəyərləndirib.
Msport.az xəbər verir ki, ispaniyalı mütəxəssis komandasının həmin matçda qələbəyə layiq olmadığını etiraf edib:
“Elə anlar oldu ki, müdafiədə daha etibarlı oynaya bilərdik. Hücumda da bəzi epizodlarda daha yaxşı çıxış etmək imkanımız var idi. Lakin oyun bərabər mübarizə şəraitində gərgin keçdi. Rəqib öz şansını gözləyirdi və bundan istifadə etdi. Onlar hesabı açdıqdan sonra biz çalışsaq da, kifayət qədər təhlükəli vəziyyətlər yarada bilmədik. İlk qol hər zaman vacibdir, bu gün hesabda geri düşdükdən sonra dönüş yarada bilmədik.
Bu bizim heç də ən yaxşı oyunumuz olmadı. Fikirləşirəm ki, biz 1 xaldan artığına layiq deyildik. Oyun çox bərabər keçdi. “Sanderlend”in penalti epizodundan başqa xüsusi bir şey baş vermədi. Biz qalib gəlmək üçün kifayət qədər qol vəziyyəti yaratmadıq”.
