Dünya reytinqi: "Qarabağ" 14, "Neftçi" 28 pillə gerilədi
“Qarabağ” dünya klublarının reytinq siyasında 14 pillə geriləyib.
Msport.az xəbər verir ki, bu barədə Beynəlxalq Futbol Tarixi və Statistikaları Federasiyası (IFFHS) rəsmi saytında məlumat yayıb.
Azərbaycan çempionu 701 komandanın yer aldığı siyahıda 168,75 xalla 81-ci yerdə qərarlaşıb.
99,5 xalla 208-ci olan “Zirə” 11 pillə irəliləyib. 9 pillə önə keçən “Sabah” 62,25 xalla 400-cüdür.
“Turan Tovuz” 53,75 xalla 2 addımlıq irəliləyişlə 494-cü yerdədir. “Neftçi” 28 pillə geriləyərək 50 xalla 537-ci sıraya düşüb.
6 pillə irəliləyən “Sumqayıt” 48 xalla 567-cidir. “Araz-Naxçıvan” 18 pillə geriləyib və 43,75 xalla 648-cidir.
Qeyd edək ki, cədvələ 441 xalla “Real” başçılıq edir.
