"Fənərbaxça" Çempionlar Liqasında mübarizəni dayandırdı
UEFA Çempionlar Liqasında III təsnifat mərhələsinin cavab oyunları keçirilir. Msport.az xəbər verir ki, “Fənərbaxça” İstanbulda “Lill”ə qarşılaşıb.
Meydan sahibləri hesabı 90+1-ci dəqiqədə açıb. Diakite avtoqol müəllifi olub. Fransa təmsilçisi 109-cu dəqiqədə meydanda azlıqda qalıb. Mandi qırmızı vərə alıb. Kanada yığmasının üzvü Conatan Devid 116-cı dəqiqədə hesaba tarazlıq gətirib – 1:1. İlk oyunda “Lill” 2:1 hesabı ilə qələbə qazandığından “Fənər” Çempionlar Liqasından kənarda qalıb. Joze Mourinyonun komandası mübarizəni Avropa Liqasında davam etdirəcək.
Çempionlar Liqası, III təsnifat mərhələsi
Cavab oyunları
APOEL (Kipr) – “Slovan” (Slovakiya) 0:0
“Bodo Qlimt” (Norveç) – “Yagelloniya” (Polşa) 4:1
“Tvente” (Niderland) – “Zaltsburq” (Avstriya) 3:3
“Fənərbaxça” – “Lill” 1:1
