“Fənərbaxça”nın sabiq baş məşqçisi “Vitess”i çalışdıracaq
“Fənərbaxça”nın sabiq baş məşqçisi Filip Koku “Vitess”in “sükanı” arxasına keçib.
Msport.az Niderland klubunun rəsmi sayına istinadən xəbər verir ki, 51 yaşlı mütəxəssislə 2024-cü ilin yayına kimi müqavilə imzalanıb.
Kokunun son iş yeri 2020-ci ilin noyabrında istefaya göndərildiyi “Derbi Kaunti” olub.
“Barselona”nın sabiq futbolçusu baş məşqçi postunda “Bohum”a gedən Tomas Leçi əvəzləyib.
Niderland millisinin kapitanı olmuş Koku “Fənər”dən başqa, PSV-də də işləyib. O, PSV-də 3 dəfə Niderland çempionu olub. Bir dəfə ölkə kubokunu, bir dəfə də superkuboku qazanıb.
Koku 1990-1995-ci illərdə “Vitess”in formasını geyinib.
