FIFA reytinqi: Millimiz irəlilədi
FIFA qadın futbolçulardan ibarət milli komandaların yeni reytinqini açıqlayıb.
Msport.az qurumun rəsmi saytına istinadən xəbər verir ki, Azərbaycan yığması iki sıra irəliləyib.
Siyasət Əsgərovun baş məşqçisi olduğu komanda 1305,48 xalla 76-cı sırada qərarlaşıb.
Qeyd edək ki, Millətlər Liqasında Monteneqro, Kipr və Farer adaları ilə eyni qrupda çıxış edən Azərbaycan millisi 5 qələbə, 1 heç-heçəyə imza ataraq B Liqasına yüksəlib.
