“Araz-Naxçıvan”ın rəqibi milli üzvünü transfer etdi
“Araz-Naxçıvan”ın UEFA Konfrans Liqasının II təsnifat mərhələsindəki rəqibi “Aris” daha bir oyunçunu heyətinə qatıb.
Msport.az xəbər verir ki, Yunanıstan klubu Finlandiya millisinin yarımmüdafiəçisi Fredrik Yensenlə anlaşıb.
Almaniyanın “Auqsburq” klubunda 7 il çıxış etdikdən sonra başa çatan müqaviləsini yeniləməyən 27 yaşlı yarımmüdafiəçi “Aris”lə 3 illik müqaviləni razılaşdırıb. Yeni komandasına azad agent kimi keçən pleymeyker klubu tərk edən Vladimir Daridanın boşluğunu doldurub.
“Tvente”nin yetirməsi olan Fredrik Yensen karyerasının ən yaxşı dönəmlərini keçirir. “Auqsburq”un heyətində 100-dən çox oyun keçirən yarımmüdafiəçinin hazırkı transfer dəyəri 3,5 milyon avro göstərilir.
Qeyd edək ki, “Araz-Naxçıvan” “Aris”lə ilk oyununu iyulun 24-də evdə, cavab görüşün isə ayın 31-də səfərdə keçirəcək.
