"Hesabı 4:0 və ya 5:0 edə bilərdik" - Joze Mourinyo
“Real”ın baş məşqçisi Joze Mourinyo Çempionlar Liqasının liqa mərhələsinin ilk turunda “İnter” üzərində qələbəni (2:1) şərh edib.
Msport.az xəbər verir ki, portuqaliyalı mütəxəssis daha böyük hesabla qələbə qazana biləcəklərini deyib:
“Düşünürəm ki, futbolçular fantastik iş gördülər və ağır oyunda qələbə qazandılar. Darıxdırıcı oyun olmadı.
Birinci hissənin son dəqiqələrində hesabda 3:0 öndə ola bilərdik, hətta hesabı 4:0 və ya 5:0-a dəyişməyimiz mümkün idi. Futbolçularımı tərifləmək istəyirəm, çünki komanda məhz üzərində məşq edir. Biz təzyiq göstərəcəyimiz anları, həmçinin presinqin harada və necə həyata keçiriləcəyini və hansı oyunçuların buna cəlb olunacağını seçirik”.
