II Liqa: Liderlərdən inamlı qələbə
Futbol üzrə Azərbaycan II Liqasında 21-ci turun oyunları keçirilir. Msport.az xəbər verir ki, ilk oyun günündə dörd matç baş tutub.
Çempionatın lideri “Baku Sportinq” öz meydanında “Kürmük”ü böyük hesabla məğlub edib – 5:1. Meydan sahiblərinin heyətində Elgün Abbaslı dubl edib.
2-ci pillədə gedən “Füzuli” səfərdə “Lerik”in qapısından 5 cavabsız top keçirib. Qonaqların heyətində Elvin Nəsibov poker edib.
21-ci tur
15 aprel
“Baku Sportinq” – “Kürmük” 5:1
“Lerik” – “Füzuli” 0:5
“Şahdağ-Qusar” – “Şəmkir” 3:1
“Şəki Siti” – “Göygöl” 2:0
16 aprel
“Şəfa” – “Kür Araz”
“Ağdaş” – “Cəbrayıl”
18 aprel
“Dinamo” – “Qusar”
Turnir cədvəlinə 49 xala malik olan “Baku Sportinq” başçılıq edir. 3 xal az toplayan “Füzuli” 2-ci yeri tutur. Hesabında 44 xal olan “Şahdağ-Qusar” 3-cü sıradadır.
