Juninyo hamını qabaqladı - Çempionlar Liqası
Çempionlar Liqasında təsnifat mərhələsinin bombardirləri açıqlanıb.
Msport.az xəbər verir ki, siyahıya “Qarabağ”ın hücumçusu Olavio Juninyo başçılıq edir. Braziliyalı forvard 4 oyunda 6 qola imza atıb.
“Sambaçı” cari mövsüm avrokubok matçlarını qolsuz tərk etmir. Juninyo “Linkoln”a (2:0, 5:0) 4, “Ludoqorets”ə (1:2, 7:2) isə 2 top vurub.
Qeyd edək ki, bombardirlər cədvəlində ikinci olan “Klaksvik”in futbolçusu Arni Frederiksberq 5 dəfə fərqlənib.
