Juninyo bu təklifdən imtina etdi
“Qarabağ”ın braziliyalı futbolçusu Juninyo ölkəsinin “Flamenqo” klubundan da təklif alıb.
Msport.az xəbər verir ki, İspaniya təmsilçisi “Sevilya”ya keçməyə yaxın olan braziliyalı hücumçu karyerasını Avropada davam etdirmək istədiyi üçün həmyerlilərinə “yox” deyib.
Braziliya klubu komandanı tərk edərək azad agent kimi “Kruzeyro”ya keçən Qabrieli məhz Olavio ilə əvəzləmək istəyib. “Flamenqo” Juninyonun transferi üçün “Sevilya”dan daha çox – 5 milyon avro ödəməyə hazır olub. Amma hücumçu vətəninə qayıtmaq variantından imtina edib. O, karyerasını “Sevilya”da davam etdirmək istəyini bildirib.
Qeyd edək ki, “Qarabağ”la “Sevilya” arasında danışıqlar yekunlaşmaq üzrədir. Azərbaycan çempionu İspaniya klubunun 3+0,5 milyon avroluq təklifini qəbul etməsə də, futbolçunun getmək istəyi tərəfləri ortaq məxrəc tapmasına təkan verir.
