Juninyonun "Sevilya"yaya keçidinin detalları: Əlavə 250 min avro
İspaniyanın “Sevilya” klubuna transfer olunacağı gözlənilən “Qarabağ”ın futbolçusu Juninyonun keçidinin detalları açıqlanıb.
Msport.az xəbər verir ki, bu barədə ölkənin nüfuzlu “Relevo” nəşri məlumat yayıb.
La Liqa təmsilçisi 28 yaşlı hücumçu üçün “köhlən atlar”a 4 milyon avro ödəyəcək. Əndəlüs klubu UEFA Çempionlar Liqasına vəsiqə qazanacağı təqdirdə Azərbaycan çempionuna 250000 avro da ödəməli olacaq.
Bundan əlavə, “Qarabağ” 28 yaşlı hücumçunun növbəti satışından 20 faiz gəlir əldə etmək hüququna da malik olacaq. Bu keçidin “Sevilya”ya 4 milyon avroya başa gələcəyi gözlənilir.
Bu həftə İspaniyaya gedəcək braziliyalı forvard yeni klubu ilə “2+1 illik” müqavilə imzalayacaq.
