"Komandada ab-hava çox pisdir" - Vircil van Deyk
“Liverpul” İngiltərə Premyer Liqasının 12-ci turunda öz meydanında “Nottinqem Forest”ı 0:3 hesabı ilə uduzub.
Msport.az xəbər verir ki, oyundan sonra “qırmızılar”ın kapitanı Vircil van Deyk komandada ab-havanın çox pis olduğunu deyib:
“Biz həddən artıq çox yüngül qollar buraxırıq. İlk yarım saatda həqiqətən yaxşı oynadıq, qol vəziyyətləri yaratdıq. Sonra onlar yenə standartdan fərqləndilər. İkili mübarizələrdə biz çox tələsirdik. İndi çox gərgin vəziyyətdir. Çətin gündür.
Buraxılan qoldan sonra əsəblər tarıma çəkilir. Görünürdü ki, biz çox tələsirdik və çox tez qol vurmaq istəyirdik. Biz həqiqətən çox çətin vəziyyətdəyik və oradan çıxmalıyıq. Bu barədə sizinlə yox, paltardəyişmə otağında danışmaq istərdim. Məsuliyyəti öz üzərimizə götürməliyik. Futbol komanda oyunudur.
Artıq bir neçə dəfə demişəm, bu mövsüm o qədər də alınmır, amma davam etmək lazımdır. Ab-hava çox pisdir. Güzgüyə baxmaq lazımdır”.
Qeyd edək ki, “Liverpul” İngiltərə Premyer Liqasında 11-ci yeri tutur.
