Kubokun finalında Aygün Kazımova oxuyacaq
İyunun 2-də “Qarabağ” və “Zirə” klubları arasında “Liv Bona Dea Arena”da Azərbaycan Kubokunun final qarşılaşması keçiriləcək.
Msport.az xəbər verir ki, oyundan əvvəl Xalq artisti Aygün Kazımovanın iştirakı ilə konsert proqramı baş tutacaq. Tədbir saat 19:00-da başlayacaq.
Qeyd edək ki, Azərbaycan Kubokunun final oyununa biletlərin qiyməti yerlərdən asılı olaraq 5, 10, 15 və 50 manatdır.
