"Ludoqorets" baş məşqçisini qovdu
UEFA Çempionlar Liqasının III təsnifat mərhələsində “Qarabağ”ın rəqibi olmuş Bolqarıstanın “Ludoqorets” klubu baş məşqçisi Georgi Dermenciyevi istefaya göndərib.
Msport.az xəbər verir ki, bu barədə yerli “Maç Teleqraf” nəşri məlumat yayıb.
Ölkə çempionu əlavə vaxtda Azərbaycan təmsilçisinə 2:7 hesablı məğlubiyyətdən sonra mütəxəssislə yollarını ayırıb.
Bu, qarşıdakı saatlarda rəsmi olaraq açıqlanacaq.
Qeyd edək ki, daha əvvəl bir neçə dəfə “Ludoqorets”də işləyən Dermenciyev 2023-cü ildə kluba qayıdıb. Bakıdakı ilk görüşdə Bolqarıstan çempionu qələbə qazanmışdı – 2:1.
