Messiyə Mayaminin açarı verildi
“İnter Mayami”nin kapitanı Lionel Messiyə Mayami şəhərinin açarı verilib.
Msport.az xəbər verir ki, Mayami meri Frensis Suares Messi ilə birlikdə qatıldığı mərasimdə şəhərin açarını 38 yaşlı futbolçuya verib.
Bu addım şəhərin inkişafına mühüm töhfələrə görə ictimaiyyətin tanınmasını ifadə edir.
Qeyd edək ki, Argentina millisinin kapitanı 2023-cü ilin yayından “İnter Mayami”də oynayır. Bu müddət ərzində o, bütün yarışlarda 84 matça çıxıb, 74 qol vurub və 37 məhsuldar ötürmə edib. Messinin klubla hazırkı müqaviləsi 2028-ci ilin sonuna qədərdir.
