Millimiz bu gün Tallinə yola düşür
Futbol üzrə milli komandamız AÇ-2024-ün seçmə mərhələsində Estoniya ilə oyun üçün bu gün Tallinə yola düşəcək.
Msport.az xəbər verir ki, yığmamız Bakı vaxtı ilə saat 15:00-da çarter reysi ilə səfərə çıxacaq.
Təxminən 4 saatlıq yolçuluqdan sonra komandamız Tallindəki “Radisson Collection” otelində qalacaq. Nümayəndə heyəti ilə birgə 11 media nümayəndəsi də səfərə çıxır.
Qeyd edək ki, Estoniya – Azərbaycan matçı oktyabrın 13-də saat 20:00-da “Le Kok Arena”da keçiriləcək. Millimiz oktyabrın 14-də axşam saatlarında gəlib Bakıya çatacaq.
