Millimiz üçün elit-mərhələ şansı
U-19 millimiz bu gün Avropa çempionatının seçmə mərhələsində növbəti oyununa çıxacaq.
Msport.az xəbər verir ki, yığma 11-ci qrupdakı sonuncu matçında Lüksemburqla görüşəcək.
Qarşılaşma Bakı vaxtı ilə saat 21:00-da start götürəcək. Qrupun digər matçında Niderland Bosniya və Herseqovinanı sınağa çəkəcək. Bu duel də eyni saatda başlanacaq.
U-19 yığmamız qələbə qazanacağı təqdirdə, elit-raunda vəsiqə qazana bilər. Bunun üçün Bosniya və Herseqovinanın məğlub olması lazımdır.
Bosniyalıların millimizlə xalları bərabər olacağı təqdirdə, ilk olaraq top fərqinə, daha sonra isə vurulan toplara baxılacaq.
AVRO-2024, seçmə mərhələ
21:00. Lüksemburq – Azərbaycan
21:00. Bosniya və Herseqovina – Niderland
Xal durumu: Niderland – 6, Bosniya və Herseqovina – 4, Azərbaycan – 1, Lüksemburq – 0.
Qeyd edək ki, Bosniya və Herseqovina ilə qolsuz heç-heçə edən Azərbaycan millisi Niderlanda 1:2 hesabı ilə uduzub. (Report)
