Millimizin Monqolustan və Bolqarıstanla oyunlarının vaxtı məlum oldu
Azərbaycan milli komandasının Monqolustan və Bolqarıstana qarşı keçirəcəyi oyunların saatı və məkanı məlum olub.
Msport.az AFFA-nın rəsmi saytına istinadən xəbər verir ki, “FİFA Series 2024 edition” çərçivəsində yığmamız ilk oyununu martın 22-də Tofiq Bəhramov adına Respublika stdionunda Monqolustana qarşı keçirəcək. Oyuna saat 20:00-da start veriləcək. Həmin gün “Dalğa Arena”da Bolqarıstan və Tanzaniya komandaları üz-üzə gələcək.
Azərbaycan millisi ikinci oyununu martın 25-də Bolqarıstan seçməsinə qarşı keçirəcək. Həmin matç da Tofiq Bəhramov stadionunda 20:00-da başlayacaq. Tanzaniya isə “Dalğa Arena”da Monqolustanla qarşılaşacaq.
22.03.2024
- Bolqarıstan – Tanzaniya -17:00 – “Dalğa Arena”
- Azərbaycan -Monqolustan -20:00 – Tofiq Bəhramov adına Respublika Stadionu
25.03.2024
- Tanzaniya – Monqolustan -17:00 – “Dalğa Arena”
- Azərbaycan – Bolqarıstan – 20:00 – Tofiq Bəhramov adına Respublika Stadionu
