Millimizin səfər oyununun biletləri satışda
Futbol üzrə Millətlər Liqasının C1 qrupunda Slovakiya və Azərbaycan milli komandaları arasında keçiriləcək oyunun biletləri satışa çıxarılıb.
Msport.az xəbər verir ki, biletlərin qiymətləri 2-20 avro (təxminən 4-38 manat) aralığında dəyişir.
Qeyd edək ki, Slovakiya – Azərbaycan oyunu sentyabrın 8-də, Bakı vaxtı ilə saat 20:00-da başlayacaq. Qarşılaşma 12 min tamaşaçı tutumuna malik “Koşice Football Arena” stadionunda keçiriləcək.
