Millimizin üzvü Niderland çempionatında dubl etdi
Niderland 1-ci divizionunda 18-ci turun oyunları keçirilir.
Msport.az xəbər verir ki, Azərbaycan milli komandasının üzvü Ozan Can Kökçünün çıxış etdiyi “Eyndhoven” öz meydanında “Emmen”i qəbul edib və 3:2 hesablı qələbə qazanıb.
Ozan Can matça start heyətində başlayıb və sona qədər meydanda olub. O, bu görüşdə dubl etməklə komandasına qələbə qazandırıb. Yarımmüdafiəçi 20-ci dəqiqədə komandasının 1-ci və 90+3-cü dəqiqədə 3-cü qolunu vurub.
Qeyd edək ki, 18 turdan sonra 26 xal toplayan “Eyndhoven” turnir cədvəlinin 10-cu pilləsində qərarlaşıb.
