Minifutbol millimiz yarımfinalda uduzdu – YENİLƏNDİ
Minifutbol üzrə Azərbaycan millisi Birləşmiş Ərəb Əmirliklərinin Ras Əl-Xayma şəhərində təşkil olunan dünya çempionatında növbəti oyununa çıxıb.
Msport.az xəbər verir ki, Elşad Quliyevin baş məşqçisi olduğu komanda yarımfinalda Qazaxıstan seçməsi ilə üz-üzə gəlib.
Qarşılaşma rəqibin 3:2 hesablı qələbəsi ilə bitib. Yığmamızın qollarını Eşqin Tağıyev vurub.
Azərbaycan millisi üçüncü yer uğrunda qarşılaşmada qüvvəsini sınayacaq.
________________________
Bu gün minifutbol üzrə Azərbaycan millisi Birləşmiş Ərəb Əmirliklərinin Ras Əl-Xayma şəhərində təşkil olunan dünya çempionatında növbəti oyununu keçirəcək.
Msport.az xəbər verir ki, yığma Qazaxıstan seçməsi ilə qarşılaşacaq.
Matç Bakı vaxtı ilə saat 20:30-da start götürəcək.
Digər yarımfinal cütündə Macarıstan Rumıniya ilə üz-üzə gələcək.
