Musayev Türkiyədə əməliyyat olunacaq
“Qəbələ”nin futbolçusu Murad Musayev Türkiyəyə yollanıb.
Msport.az xəbər verir ki, təcrübəli müdafiəçi bu gün qardaş ölkədə əməliyyat ediləcək.
Ölkə çempionatının 2023/24 mövsümünün son turunda “Sumqayıt”la qarşılaşmada ciddi zədə alan Musayev oyunu yarımçıq dayandırmaq məcburiyyətində qalmışdı. Onun təxminən 4-5 ay yaşıl meydanlardan uzaq qalacağı bildirilir.
Musayevin əməliyyatı Ankarada baş tutacaq.
Qeyd edək ki, Premyer Liqanı tərk edən “Qəbələ” növbəti mövsümdə I Liqada oynayacaq.
